Cynhyrchwyr Bywd A Diod Cymru Ar Eu Ffordd I'r Dwyrain Pell Ar Gyfer FHA 2008

Mae cynhyrchwyr Cymru yn gobeithio gwneud cysylltiadau pwysig pan fyddant yn mynd i’r dwyrain ar gyfer arddangosfa fasnach Food & Hotel Asia (FSA) yn Singapore y mis hwn (22-25 Ebrill).
 
Y digwyddiad yw’r sioe fwyd a lletygarwch ryngwladol fwyaf yn Asia, ac yn 2006 denodd fwy na 37,000 o brynwyr rhyngwladol i ganolfan Expo Singapore.
 
Bydd saith o gwmnïau o Gymru yn arddangos yn y digwyddiad dan faneri Busnes Rhyngwladol Cymru a Gwir Flas Llywodraeth Cynulliad Cymru.
 
Gyda phoblogaeth o 3.6 biliwn, mae tua 56% o boblogaeth y byd yn byw yn ardal Asia Pasiffig.
 
Bydd Cwmni Dwr Llanllyr,  ‘Allforiwr Diod y Flwyddyn’ ac ‘Allforiwr Cymru y Flwyddyn’ yng Ngwobrau Allforio  Food from Britain 2000, yn arddangos ei amrediad cyfan o dd?r llonydd a phefriog mewn poteli d?r 750ml a 300ml.
Cafodd y cwmni, sydd hefyd wedi ennill gwobr y Gwir Flas, hefyd deitl cylchgrawn Imbibe am y d?r o Brydain gyda’r blas gorau, a bydd hefyd yn dangos ei becyn cyfleus cyfeillgar i’r amgylchedd.
 
Bydd Halen Môn yn cyflwyno nifer o gynnyrch newydd yn y digwyddiad, ac mae’n gobeithio manteisio ar ddiddordeb marchnad y Dwyrain Pell mewn gwahanol fathau o halen môr ar gyfer gwahanol seigiau.
Bydd y cwmni yn rhoi sylw i nodweddion y môr o amgylch Ynys Môn, tarddle Halen Môn, a enwyd yn un o bum prif gynnyrch gastronomig y byd yn y Feria de Gastronomia yn Sebastian.
 
Yn newydd yn yr FHA fydd Halen Môn mwg derw a sbeislyd organig mewn pecynnau chef 500g, Halen Môn mân 100g, Halen Môn seleri organig 100g a thiwbiau 10g o Halen Môn fanila, sbeislyd organig, mwg derw, pur ac organig. Bydd cardiau rysetiau a deunydd pwynt gwerthu hefyd yn cael eu dangos.
 
Bydd Trioni Cyf yn arddangos ei flaslaeth organig Daioni.
Mae diodydd y cwmni gwobrwyol o Sir Benfro yn isel mewn braster heb unrhyw liwiau artiffisial, blasau neu gadwolion. Mae’r diodydd ar gael mewn pedwar blas - siocled (enillydd presennol teitl cenedlaethol ‘Rhagoriaeth mewn Bwyd a Diod’ am ddiodydd plant), mefus, banana, a llugaeron a mafon cochion. Bydd y cwmni hefyd yn hyrwyddo ei becyn llaeth organig Daioni 125ml newydd ar gyfer gwasanaeth bwyd.
 
Bydd Ty Nant Spring Water Cyf o Fethania yn arddangos ei amrediad d?r mwynol llonydd a phefriog Ty Nant, sydd ar gael mewn poteli gwydr glas cobalt a coch crimson ac amrediad d?r mwyn TAU yn eu poteli chic a minimalaidd. Byddant hefyd yn arddangos y poteli d?r llonydd PET a ddyluniwyd gan Ross Lovegrove sydd ar gael mewn meintiau 1.5ltr, 1.0ltr a 500ml.
Bydd The Hurns Brewing Company yn gwneud ei ymweliad cyntaf i’r FHA, a gynhelir bob dwy flynedd. Derbyniodd y cwmni o Abertawe, sy’n enillydd gwobr y Gwir Flas, hefyd deitl ‘Cwrw Gorau Cymru’ gan Tesco, a bydd yn dangos ei holl amrediad o fathau cwrw potel yn cynnwys: OSB, Cwrw Haf, Cwrw Braf, Cwrw Gaeaf, Taffy Apples Cider, a Magic Lagyr.
Bydd The Good Carb Food Co. Cyf yn arddangos ei amrediad o gynnyrch Granola Lizi yn Singapore.
Mae snaciau iach blaengar y cwmni o Laneli yn isel mewn GL 5.5, yn gollwng egni’n araf ac yn dda i siwgr gwaed, ac yn rhydd o wenith.
Mae’r amrediad yn cynnwys Granola Gwreiddiol Lizi, grawnfwyd wedi’i grasu yn barod i’w fwyta, ‘’Lizi’s Granola Crunch’, sy’n ddarnau bach o glystyrau grawnfwyd a ddaw mewn 3 blas: Triagl a Pecan, Leim a Sinsir a Siocled Belgaidd. Mae gan y cwmni eisoes rai cysylltiadau gyda’r Dwyrain Pell, gan allforio i Hong Kong ac India.
 
Bydd Hybu Cig Cymru yn cymryd camau yn y digwyddiad i ehangu’r farchnad ar gyfer cig oen Cymru yn y Dwyrain Pell, marchnad llawn addewid y mae HCC yn gobeithio medru manteisio arni i’r eithaf yn y dyfodol agos.
Bydd dewis eang o doriadau cig yn cael eu harddangos ar y stondin a bydd staff HCC ac allforwyr cig coch o Gymru ar gael i gynnig cyngor ac i helpu darpar brynwyr, a fydd yn cael cyfle i samplo danteithion Cig Oen PGI.

I gael gwybodaeth bellach am gynnyrch cysyllter â:
 
Halen Môn
Brynsiencyn
Llanfairpwll
Ynys Môn
LL61 6TQ
Cyswllt: Alison Lea-Wilson
Ffôn: 01248 430871
E-bost:Alison@seasalt.co.uk
Gwefan: www.seasalt.co.uk
 
Ty Nant Spring Water Cyf
Bethania
Llanon
Ceredigion
SY23 5LS
Cyswllt: Anna Martin
Ffôn: 01974 272 111
E-bost: anna.martin@tynant.com
Gwefan: www.tynant.com
 
The Hurns Brewing Company Cyf
The Kingsway
Stad Ddiwydiannol Fforestfach
Abertawe
SA5 4DL
Cyswllt: Connie Parry
Ffôn: 01792 560020
Ffacs: 01792 579055
Gwefan: www.hurnsbeer.co.uk
 
Trioni Cyf
Ffosyficer
Abercych
Boncath
Sir Benfro
SA37 0EU
Cyswllt: Teleri Thomas
Ffôn: 01239 682 572
Ffacs: 0560 1114 3106
Gwefan: www.trioni.com
 
Cwmni D?r Llanllyr
Talsarn
Llanbedr Pont Steffan
Ceredigion
SA48 8QB
Cyswllt: Patrick Gee
Ffôn: 01570 470 788
Ffacs: 01570 471 074
Gwefan: www.llanllyrwater.com
 
Good Carb Food Company Cyf
Blwch Post 94
Llanelli
SA15 4ZW
Cyswllt: Mick Shaw neu Nigel Bryan
Ffôn: 01554 755009
Ffacs: 0870 4208 824
Gwefan: www.good-carb-food.co.uk
 
Hybu Cig Cymru
21a Rhodfa’r Gogledd
Aberystwyth
SY23 2JL
Cyswllt: Bill Joyce
Ffôn: 01970 625050
Ffacs: 01970 615148
Gwefan: www.hccmpw.org.uk

Cyhoeddwyd yr erthygl ar: 8 April 2008