- Article title
Diod Lyfn Jubbly yn ennill gwobr bwysig yn Sbaen- Full article
- Mae cwmni diodydd o Gymru yn dathlu ar ôl i’w ddiod lyfn newydd y medrir ei rhewi adref gael ei enwi’n Gynnyrch Gorau Newydd Prydain yn arddangosfa bwyd a diod Alimentaria International yn Sbaen.
Dyfarnwyd y teitl i Calypso Soft Drinks o Wrecsam gan Food for Britain, am ei Jubbly Smoothie sy’n cynnwys sudd pur a ffrwythau wedi’u gwasgu.
Mae Calypso, a ymddangosodd yn Alimentaria yn y tro cyntaf dan fantell Busnes Rhyngwladol Cymru a Gwir Flas Llywodraeth Cynulliad Cymru, yn cynhyrchu amrywiaeth o ddiodydd meddal iach a diodydd rhew.
Dywedodd Richard Cooke, Cyfarwyddwr Gwerthiant a Marchnata Calypso fod Jubbly Smoothie “yn cyfuno siâp tetrahedraidd unigryw y Jubbly gwreiddiol a ysgogodd ymadrodd poblogaidd yn y 1960au gyda blas ac ansawdd diod lyfn, sy’n un o’r straeon llwyddiant cyfoes mewn diodydd meddal iachach.”
Gwahoddir pob cwmni sy’n arddangos i gynnig cynnyrch newydd yng nghystadleuaeth ac arddangosfa Food from Britain. I fod yn gymwys, mae’n rhaid i’r cynnyrch fod wedi ei lansio ers Alimentaria ’06.
Dywedodd Guillermo Alvarez de Lorenzana, Rheolwr Gyfawryddwr Food from Britain yn Sbaen: “Mae hwn yn gynnyrch blaengar iawn oherwydd y pecyn ac oherwydd ei fod yn gynnyrch y medrwch hefyd ei rewi adref i ddod yn hufen iâ, gydag ansawdd diod lyfn.”
Dywedodd Richard Cooke, “Chawsom ni mo’n synnu ond rydym yn bendant wrth ein boddau fod y Sbaenwyr wedi cydnabod y Jubbly Smoothie am yr hyn ydyw - ffordd newydd hwyliog i fwynhau diod lyfn sudd sy’n debyg o apelio at oedolion yn ogystal â phlant.
“Bydd hyn yn ein helpu i gyflawni ein targedau o ehangu’r categori diodydd rhew yn y Deyrnas Unedig i gynnwys gr?p o oedran ehangach a hefyd i ymestyn ein cyrraedd i’r farchnad diodydd meddal Ewropeaidd.”
Y mis nesaf caiff Jubbly Smoothie ei lansio ledled y Deyrnas Unedig a bydd ar gael mewn dau flas, Oren, Mango a Granadila, a Mefus a Banana.
Cynhaliwyd arddangosfa bwyd a diod ddwyflynyddol Alimentaria International ym Marcelona (10-14 Mawrth).
- Cyhoeddwyd yr erthygl ar:
Cyhoeddwyd yr erthygl ar: 25 March 2008
|
